Жөнгө салынуучу гантель 12,5 кг Genau Best Dumbbell

Сатып алганыңыз үчүн рахмат!

Сиз сапатты, коопсуздукту жана функционалдуулукту эске алуу менен түзүлгөн продуктуну сатып алдыңыз. Бул жабдуу үйдөн чыкпай эле коопсуз жана ыңгайлуу машыгууга мүмкүндүк берет. Спорт менен үзгүлтүксүз машыгуу — ден соолукту сактоонун эң мыкты жолдорунун бири. Коопсуздук жана ден соолукту сактоо максатында колдонуудан мурун ушул нускама менен таанышып чыгууңузду суранабыз.

Нускаманы кылдат окуп чыгып, аны туура сактаңыз.

Коопсуздук техникасы боюнча нускамалар

• Балдарды жана үй жаныбарларын гантелден алыс кармаңыз.
• Гантелди бир эле убакытта бир кишиден ашык колдонууга болбойт.
• Начар сезүүнүн кандайдыр бир белгилери — баш айлануу, жүрөк айлануу, көкүрөк кысуу пайда болсо, машыгууну дароо токтотуңуз. Дароо дарыгерге кайрылыңыз.
• Бул буюм үйдө жана коммерциялык максатта колдонууга арналган.
• Колдонуудан мурун буюмду текшериңиз. Бузулган же эскирген тетиктери бар гантелдерди колдонбоңуз.
• Бекитүү механизмин үзгүлтүксүз текшерип, сынап турыңыз.
• Буюм бузулбасын же колдонуучу жаракат албасын үчүн гантелди полго түшүрбөңүз.
• Гантелди өз алдынча ажыратууга аракет кылбаңыз.
• Машыгууну баштоодон мурун денени жылытыңыз.
• Механизм иштебей турганда туткасын буруууга аракет кылбаңыз.

Ажыратылуучу гантелди жөнгө салуу боюнча нускама

1. Салмак шкаласы

Гантелдин 11 салмак деңгээли бар (кг жана фунт менен), таблицага ылайык:

2. Түп нускадагы база менен колдонуу

• Гантелди түп нускадагы база менен гана колдонуу керек.
• Салмак пластиналарын кайра базага орноткондо, ар бир пластина негиздеги тиешелүү оюкка тууралангандыгына ишенип алыңыз (2-сүрөттү караңыз).

3. Салмакты жөнгө салуу

Үч бурчтуу индикатор терезесинде керектүү салмак чыкканга чейин туткасын буруңуз (1-сүрөттү караңыз).

4. Биринчи жолу колдонуудан мурун текшерүү

Коопсуздукка ишенүү үчүн, биринчи жолу колдонууда гантелди ар бир салмак деңгээлине коюп, пластиналар бекитилгенин жана түшүп кетпегенин текшерүү үчүн аны бардык багыттарга жеңил силкип көрүңүз.

5. Салмак пластиналары тыгылып калса же түшүп кетсе

• Туткадагы пружиналуу баскычты бурагыч менен басыңыз (3-сүрөттү караңыз).
• Туткасын минималдуу салмакка буруңуз (эки учу тең тегиз болушу керек).
• Бардык пластиналарды базанын тиешелүү оюктарына салыңыз.
• Пластинанын металл тарабы базанын борборуна карап турганына ишенип алыңыз (4-сүрөттү караңыз).
• Андан кийин гантелди кайра колдонууга болот.

Кепилдик

Genau компаниясы өз продукциясынын жогорку сапатына жана ишенимдүүлүгүнө кепилдик берет. Биз эң мыктысын гана сунуштоого умтулабыз, ошондуктан биздин бардык жабдууларга кепилдик берилет.

Кепилдиктин шарттары

1. Кепилдик мөөнөтү товар сатылган күндөн тартып башталат.
2. Кепилдик заводдук кемчиликтен же материалдардын кемчиликтеринен келип чыккан бузулууларга жайылтылат.
3. Кепилдик тейлөө ыйгарым укуктуу тейлөө борборлорунда жүргүзүлөт.
4. Товар кепилдик мөөнөтүнүн ичинде бузулган учурда сатып алуучу диагностика жана оңдоо үчүн тейлөө борборуна ушул кепилдик барагын жана товарды толук топтому менен көрсөтүшү керек.
5. Кепилдик учуру тастыкталган учурда товарды оңдоо же алмаштыруу акысыз жүргүзүлөт.
6. Кепилдик төмөнкү учурларга жайылтылбайт:

• туура эмес колдонуудан же ташуудан келип чыккан механикалык бузулуулар;
• суюктуктун, оттун, химиялык заттардын жана башка тышкы факторлордун таасиринен келип чыккан бузулуулар;
• колдонуу боюнча нускамаларды сактабоодон келип чыккан бузулуулар;
• конструкцияга Тейлөө кызматы менен макулдашылбаган өз алдынча кийлигишүү же ыйгарым укугу жок адамдар тарабынан оңдоо;
• чыгым материалдары жана кызмат мөөнөтү чектелген тетиктер (кайыштар, батареялар ж.б.).

Кепилдик боюнча арызды кароо

Кепилдик тейлөөнү алуу үчүн сатып алуучу сатуучуга (жабдуу сатып алынган жерге) кайрылышы керек.

Genau кепилдик барагы толугу менен

Техникалык мүнөздөмөлөр

Тейлөө

Гантелдердин иштеши жана кепилдик боюнча суроолор менен Кыргызстандагы Genau тейлөө кызматына кайрылыңыз.

ОсОО «Генау ГМБХ», Кыргызстан. Телефон: +996 778 639 000

Расмий сайт genau.kg